Januari 23, 2015
Tarehe 21 Januari, mkutano ulifanyika jijini Washington DC kati ya wawakilishi wa Benki ya FBME na Idara ya Hazina ya Marekani – FinCEN. Lengo lilikuwa kujadili zaidi Notisi ya Matokeo ya FinCEN (NOF) na Ilani ya Mapendekezo (NPRM), iliyochapishwa kwenye Daftari la Shirikisho tarehe 22 Julai 2014, na majibu ya Benki ya FBME ya masuala yaliyoorodheshwa kwenye Notisi hizo.
Desemba 31, 2014
Kiwango cha malipo ya kila siku kimepunguzwa hadi EUR 1,000 kwa siku, kulingana na amri iliyotolewa na Msimamizi wa Benki Kuu ya Cyprus, Dinos Christofides. Kwa nini amepunguza kiwango – kilichowekwa mwanzoni EUR10,000, kisha kikawa EUR 5,000 hivi karibuni kufikia EUR 2,000 – hajaamua kushirikiana nasi. Kuna mamilioni ya Euro yaliyopo katika Benki Kuu ya Cyprus (ambayo FBME inaendelea kulipa adhabu) na hakuna hatari ya benki kuwa mufilisi. Ni nini haswa malengo yake?
8 Januari, 2015
Wafanyakazi wa Benki ya FBME na Kitengo cha Kadi cha FBME kwa mwezi Disemba wamejitolea michango ya chakula na vitu vingine kwa familia zenye uhitaji kwenye mpango wa kila mwaka wa kusaidia familia. Mbali na chakula, wafanyakazi hao wamekusanya nguo, mashuka na vitu vingine vya majumbani, wakati wengine wametoa fedha taslimu zilizotumika kununulia vitu mbalimbali. Familia zenye uhitaji zinatambuliwa na mpango huu maalum. Wafanyakazi wa Benki ya FBME na wa Kitengo cha Kadi wamekuwa wakijitolea kwenye mpango huu wa kusaidia familia zenye uhitaji kwa miaka mitatu mfululizo kama sehemu ya mpango mkubwa wa Ujirani Mwema unaofanywa kwa niaba ya Benki.
Desemba 31, 2014
Wamiliki wa FBME Limited wanatuma salaam za heri za mwaka 2015 kwa wafanyakazi, wateja, wafuasi, marafiki, wachambuzi na wale wote ambao wameisaidia FBME katika mapambano yake dhidi ya udhalimu, uzembe, udanganyifu na vitendo vingi vya mashaka.
Ni matumaini yetu kuwa Mwaka Mpya utaleta habari njema zaid!
Desemba 19, 2014
Jana, tarehe 18 Desemba 2014, Benki Kuu ya Cyprus ilitoa taarifa zenye kauli za kiholela na zisizo sahihi kuhusu uamuzi wa Mahakama ya Wilaya uliofanywa tarehe 17 Desemba.
Desemba 4, 2014
Kuanguka kwa mfumo wa benki Cyprus mwaka 2012-13 ulikuwa ni mmoja wa tsunami kubwa ya kiuchumi zaidi uliowahi kukabiliwa na nchi yoyote katika karne hii ya kisasa. Kosa kuu lilikuwa kwenye mabenki makuu matatu, bila shaka, lakini mamlaka za usimamizi haziwezi kukosa lawama. *
Continue reading
Desemba 12, 2014
Kama ilivyvotajwa katika toleo la tarehe 20 Novemba kwenye tovuti hii, Ukwasi mpya, makosa yanazidi kujitokeza ambapo faini inatozwa kwa malipo ya amana za wateja wa FBME Bank kwa amana ambazo zinahitajika zilipwe na Benki Kuu ya Cyprus kwa sababu ya matendo ya Benki Kuu yenyewe . Kwa maneno mengine, Benki Kuu imeagiza FBME kufanya kitu, na baada ya hapo inaipa adhabu ya ushuru kwa kufuata agizo hilo!
Desemba 12, 2014
Je, hakuna mwisho wa kutowajibika na kiburi cha Msimamizi wa Benki Kuu ya Cyprus? Amerudia kwa mara nyingine hila yake ya miezi michache iliyopita, na ametoweka bila kutarajiwa, kwenda kwenye mapumziko yasiyoidhinishwa. Kwa mara nyingine tena ameondoka bila kuacha mtu kwenye nafasi yake wa kuidhinisha malipo au mambo mengine yanayohusiana na tawi, na hakutoa tarehe ya kurudi. Hii imesababisha tawi kufunga shughuli zake na kuleta matatizo makubwa kwa wateja na wafanyakazi.
Desemba 13, 2014
Jamhuri ya Cyprus ilitakiwa kuwasilisha majibu kwenye mahakama ya usuluhishi ya ICC tarehe 5 Desemba kwenye shauri lililofunguliwa na wamiliki wa Benki ya FBME. Jamhuri iliomba muda wa ziada wa kujibu, ambao umetolewa, na tarehe mpya ni 7 Januari.
Desemba 15, 2014
Msimamizi wa Benki Kuu ya Cyprus, mwenye wajibu wa kuendesha Benki ya FBME tawi la Cyprus, amerejea leo baada ya kukosekana kusikoelezeka. Kama inavyojulikana, aliondoka saa 7 mchana siku ya Jumanne, na hivyo kuzuia muamala wowote kufanyika kwa wiki nzima. Matokeo haya ni kutokana na hatua ya kibabe inayomwezesha kuidhinisha miamala yote na kukataa kwake kuteua naibu kufanya kazi kwa niaba yake.
Hata hivyo, amesharudi na miamala ya kiwango cha EUR 2,000 kwa siku kwa kutumia hundi – uamuzi mwingine wa kibabe – imeanza.
